我哋嘅產品之所以叫Well井，除咗有水源嘅意思，仲希望每一位用家透過我哋以更多角度去關心世界、享受生活，做一個真正嘅Well-Being。
嚟緊每月我哋將會訪問來自各界擁有唔同 ‘Slash identity’ 嘅 Well# Drinker , 了解佢哋如何以唔同身份Live Well, Drink Well#！
———————-
今次打頭陣嘅係我哋 城泉CEO – 葉蓁蓁Ada Yip 
CEO of Urban Spring
/ Career Transition Mentor
/ Chinese Tea Taster
原本喺投資銀行工作十年多嘅Ada，6年前毅然離開老本行，決心創業 。佢知道改變比原地停留需更多毅力，但佢相信付出呢份勇氣可豐富人生。作為過來人，佢不時出席講座同接受訪問，分享職業轉向嘅經驗同意見。
雖然不斷求變，但有個習慣始終不變：Ada每日都會停落嚟品嚐一杯好茶。Urban Spring公司Pantry放滿咗各地好茶同茶具。
小編趁Ada喺Pantry輕鬆嘆茶時，問咗佢一啲茗茶嘅心得：
編：點解咁鐘意飲茶？
Ada：茶同咖啡、紅酒一樣，用時間栽種、烘培、醞釀，飲落又好似細味人生咁，甘甜帶微澀。
編：你飲過最好飲嘅茶係？
Ada：我最鍾意飲舊嘅岩茶。最好品茗嘅方法係同幾個好朋友，靜心地用無雜質嘅水，輕描淡寫咁沖茶，講吓茶嘅味道，講吓日常趣事，說說笑，啲茶就會好飲。
編：如何泡製一杯好茶？
Ada： 好多人會以為重點在於茶葉，我反而覺得基本嘢最重要，就係心境同埋水質：心無罣礙、水無雜質，自然沖到好茶。
沖茶係心靈沉澱嘅過程，用嘅水當然要純淨。所以我對水嘅要求真係好高！人體70%都係水，飲落肚點可以無所謂，正如我地對 Well# 所提供嘅水要求都一樣，一定要供應安全、質素高嘅飲用水畀公眾。